Ռեսուրսներ -

1.  Անձնագիր (ժամկետի մեջ)
2. Բարձրագույն կրթության դիպլոմ
3. Դատվածության և հետախուզման առկայության մասին տեղեկանք
4. Արդարադատության նախարարության կողմից հաստատված սերտիֆիկատ (TEFL / TESOL / Celta / Delta)
5. Տեղեկանք աշխատավայրից՝ 2 տարվա փորձ ունենալու վերաբերյալ
6. Բժշկական հետազոտություն
7. 2 լուսանկար (3*4), ունենալ նաև էլեկտրոնային տարբերակը (վիզայի համար նախատեսված՝ առանց զարդերի, չոլկայի, բաց դեմքով և վզով)
8. Աշխատանքի թույլտվության տեղեկանք Չինաստանի գործատուից / work permit

Փաստաթղթերը պատրաստելու կարգը

Բարձրագույն կրթության դիպլոմ

Հաստատվում է ապոստիլով (APOSTILLE)

Ցանկալի է դիպլոմը ապոստիլով հաստատելուց առաջ կատարեք դիպլոմի պատճենի հաստատում նոտարական գրասենյակի կողմից՝ անգլերեն և հայերեն լեզուներով, որպեսզի խուսափեք նախարարության կողմից դիպլոմի վրա կնիք դնելուց:

Պատճենի հաստատման համար անհրաժեշտ է դիպլոմը և Ձեր անձնագիրը մոտեցնեք նոտարական գրասենյակ՝ հաստատեք հայերեն և անգլերեն լեզուներով, 1 օրինակից։ Վճարում եք 1300 դրամ + 400 դրամ (տերմինալ) (Ձեզ հետ ունեցեք “մանր”գումար): Ծառայությունը կատարվում է տեղում` րոպեների ընթացքում։

Այնուհետև նոտարի կողմից տրամադրված փաստաթուղթը պետք է հաստատեք  ՀՀ Արդարադատության նախարարությունում (Վազգեն Սարգսյան 3/8)՝ արժեքը 7000 ՀՀ դրամ +200 ՀՀ դրամ (տերմինալ): Գումարը վճարվում է տեղում ակնթարթային վճարոմների համակարգի (տերմինալ) միջոցով (Ձեզ հետ ունեցեք “մանր”գումար):

Նախարարություն մոտեցեք նոտարի տրամադրած պատճենի հաստատումով  և անձնագիրով: Ծառայության կատարման ժամկետը 1 աշխատանքային օր է։

Փաստաթոըղթը հանձնում եք նախարարություն 09։00-17։00 ժամերին (ցանկալի է առավոտյան ժամերին, եթե չեք ցանկանում հայտնվել հերթերի մեջ), իսկ հետ եք ստանում հաջորդ աշխատանքային օրը՝ ժամը 16։00-ից հետո։

Եթե Ձեր փոխարեն փաստաթուղթը հաստատելու է մեկ այլ անձ, վերը նշված փաստաթղթի հետ միասին պետք է Ձեր անձնագրի փոխարեն ներկայացնել տվյալ անձի անձնագրի պատճեն։

Դատվածության և հետախուզման առկայության մասին տեղեկանք

Տրամադրվում է արտաքին գործերի նախարարություն կողմից՝ 6 ամիս ժամկետով, ապոստիլով հաստատված։ Ստանալու համար պետական վճարը կազմում է 7 000 ՀՀ դրամ +200 ՀՀ դրամ (տերմինալ) (Ձեզ հետ ունեցեք “մանր” գումար)։

Փաստաթուղթն ստանալու համար կա 2 տարբերակ՝

1․ Օնլայն հայտ եք լրացնում նախարարության կայքում և կատարում վճարում, կցելով անձնագիր․

Հղում՝ https://nid.e-gov.am/hy/auth/email?client_id=oZqTLBizkvvyu8zO-iv7Ow&scope=openid&response_type=code&redirect_uri=https%3A%2F%2Fconsular.e-gov.am%2Fam%2Fcallback&state=tbs3B4Wsn4SK_rCfNRWc1A&nonce=l8YJQYrZ4bL6kKTFNQIEdw&acr_values=urn%3Aegov%3Anid%3Aloa%3Aweak&code_challenge=ki6yD9b2vdRJg0QRlVzCQ6odyHy858RErTjwpLJeVJQ&code_challenge_method=S256

Այն պատրաստ է լինում 1-2 աշխատանաքյին օրում։ Փաստաթղթային տարբերակը կարող եք ստանալ ՀՀ ԱԳՆ վարչական շենքում գտնվող քաղաքացիների ընդունելության սրահում (Վազգեն Սարգսյան 3 հասցեով) կամ պատվիրել հայփոստի միջոցով (այս տարբերակով հասնում է Ձեզ մոտ 20 օրում)։

Եթե Ձեր փոխարեն տեղեկանքն ստանալու է մեկ այլ անձ, օնլայն հայտը լրացնելու ժամանակ պետք նշել, որ փաստաթուղթն ստանալու է լիազոր անձ և ստացող անձի անուն ազգանունը։

2․ Մոտենում եք ՀՀ ԱԳՆ վարչական շենքում գտնվող քաղաքացիների ընդունելության սրահ (Վազգեն Սարգսյան 3 հասցեով) լրացնում հայտ – դիմում, կատարում վճարում՝ 7000 դրամ + 200 ՀՀ դրամ (տերմինալ) (Ձեզ հետ ունեցեք “մանր” գումար)։ Փաստաթուղթը պատրաստ է լինում 5 աշխ․ օրում։ Փաստաթղթային տարբերակը կարող եք ստանալ ՀՀ ԱԳՆ վարչական շենքում գտնվող քաղաքացիների ընդունելության սրահում (Վազգեն Սարգսյան 3 հասցեով) կամ պատվիրել հայփոստի միջոցով (այս տարբերակով հասնում է Ձեզ մոտ 20 օրում)։

Եթե Ձեր փոխարեն տեղեկանքն ստանալու է մեկ այլ անձ, հայտը լրացնելու ժամանակ պետք նշել, որ փաստաթուղթն ստանալու է լիազոր անձ և ստացող անձի անուն ազգանունը։

Աշխատանքային օրերն են երկուշաբթի, երեքշաբթի, հինգշաբթի և ուրբաթ՝ ժամը 10.00-12.00-ը։  Փաստաթուղթը կարող եք ստանալ ՀՀ ԱԳՆ վարչական շենքում գտնվող քաղաքացիների ընդունելության սրահում (Վազգեն Սարգսյան 3 հասցեով): Ներկայանալ անձնագրով:

Եթե Ձեր փոխարեն տեղեկանքն ստանալու է մեկ այլ անձ, այդ անձը պետք է ԱԳՆ ներկայացնի Ձեր կողմից ձեռագիր գրված լիազորագիր (print), որի մեջ նշված կլինի լիազորող և լիազորվող անձերի անձնագրերի և սոց քարտերի տվյալները։ Նաև պետք է ներկայացնի 2 անձերի անձնագրերի, սոց քարտերի պատճեններն ու իր անձնագիրը։

Եթե գտնվում եք Չինաստանում կարող եք օնլայն վճարում կատարել ԱԳՆ-ի կայքում (https://www.mfa.am/hy/criminal-record-certificate/) , մեյլով դիմել Պեկինում ՀՀ դեսպանության Հյուպատոսին, որի մեջ կցեք դիմումը, վճարման ծածկագիրը, Չինաստանի Ձեր գործատույի տվյալները, անձնագիրը, հասցեն, որից հետո տեղեկանքը կուղարկվի Չինաստանում նշված հասցեով։ Այս տարբերակով ստանում եք արդեն իսկ հաստատված փաստաթուղթ։

3. Փաստաթուղթ (տեղեկանք) աշխատավայրից՝ 2 + տարվա աշխատանքային փորձ ունենալու վերաբերյալ:

Այս փաստաթուղթը լինում է տեղեկանքի տեսքով՝ ընկերության բլանկի վրա։ Տեղեկանքի մեջ նշվում է այն մասնագիտութնունը, որի համար դիմում եք վիզայի։ Նշում եք նաև ընկերության տնօրենի անուն ազգանուն, հեռ․, հասցե, էլ․ հասցե, կնիք և ստորագրություն։ Տեղեկանքը ներկայացվում է միայն Չինաստանի կառավարություն, այն չի ստուգվում Հայաստանում։

TEFL / TESOL ( CELTA / DELTA ) Certificate

Մինչև 2019թ․-ի մայիս ամիսը բոլորը մեկնում էին Չինաստան աշխատանքի` անգլերեն դասավանդելու` հաճախ անգլերենի ոչ բավավար գիտելիքներով, հետևաբար միջոցներ կիրառելու համար այս սերտիֆիկացումը` TEFL/ TESOL-ը դարձավ պարտադիր պահանջ ՉԺՀ կառավարության կողմից՝ վիզա ստանալու համար։

2019թ․ սեպտեմբերին Չինաստանի կառավարությունն ընդունեց նոր օրենք, ըստ որի սերտիֆկատը պետք է լինի ապոստիլով հաստատված նոտարի կողմից, լեգալիզացված և ԱԳՆ-ի, և Չինաստանի դեսպանատան կողմից։

2021թ․-ի մարտից ըստ ՀՀ նոր օրենքի ՀՀ-ում հաստատվում են միայն այն փաստաթղթերը (սերտիֆիկատները), որոնք տրված են հայկական լիցենզավորված ընկերությունների կողմից։

2023թ․-ի հոկտեմբերից Չինաստանը դասվեց ապոստիլով հաստատվող երկների շարքին։

Այսպիսով պարտադիր է սերտիֆիկատը հաստատել ապոստիլով ՀՀ Արդարադատության նախարարությունում (Վազգեն Սարգսյան 3/8)՝ արժեքը 7000 ՀՀ դրամ +200 ՀՀ դրամ (տերմինալ): Գումարը վճարվում է տեղում ակնթարթային վճարոմների համակարգի (տերմինալ) միջոցով (Ձեզ հետ ունեցեք “մանր”գումար):

Ծառայության կատարման ժամկետը 1 աշխատանքային օր է։

Փաստաթոըղթը հանձնում եք նախարարություն 09։00-17։00 ժամերին (ցանկալի է առավոտյան ժամերին, եթե չեք ցանկանում հայտնվել հերթերի մեջ), իսկ հետ եք ստանում հաջորդ աշխատանքային օրը՝ ժամը 16։00-ից հետո։

Տեղեկանք աշխատավայրից՝ 2 տարվա փորձ ունենալու վերաբերյալ, որի մեջ նշված պետք է լինի այն մասնագիտական փորձը, որ մասնագիտության համար դիմում եք աշխ․ վիզայի։ Տեղեկանքը պետք է լինի անգլերեն լեզվով, գրված բլանկի վրա։ Պետք պարունակի կոնտակտային տվյալներ՝ հասցե, հեռախոսահամար, էլ․ հասցե, տնօրենի անուն ազգանուն, կնիք և ստորագրություն։ Այս թուղթը ներկայացվում է միայն Չինաստանի կառավարություն, Հայաստանում չի հաստատվում և չի ստուգվում:

Բժշկական հետազոտություն կարող եք անցնել ցանկացած պոլիկլինիկայում, սակայն կան պոլիկլինիկաներ, որոնց աշխատակիցներից շատերը կամ տեղեկացված չեն գործընթացի մասին կամ “չեն ցանկանում” տրամադրել ծառայություն։ Եթե տրամադրում է այն պոլիկլինիկան, որտեղ գրանցված եք ըստ օրենքի պետք է տրամադրի անվճար, իսկ այլ պոլիկլինիկաներ տրամադրում են 21 000 -25 000 ՀՀ դրամով: Ներկայանալ անձնագրով, անձնագրի պատճեն, 1 հատ 3*4 լուսանկար, Չինաստանի համար հատուկ նախատեսված բժշկական հետազոտության ձևով: Այս ձևաչափը կցված է գրառմանը, որը կարող եք ներբեռնել, տպել և Ձեր հետ ունենալ։ Այն լրացվում է անգլերեն լեզվով։ Թուղթը պարտադիր հաստատվում է կնիքով (1-ին էջում կիսով չափ լուսանկարի վրա և վերջին էջում) և ստորագրությամբ։ Այս փաստաթուղթը հնարավոր է գործատուն պահանջի և Հայաստանում և Չինաստանում կամ միայն Չինաստանում։ Նախապես հարցրեք Ձեր գործատույին։ Այն ուժի մեջ է 7-20 օր՝ կախված գործատուից։ Խորհուրդ է տրվում նախապես չանցնել հետազոտություն՝ միայն պահանջի դեպքում): Փաստաթղթի տրամադրման ժամկետը 1-2 աշխ. օր է։